TILA wala sa sarili habang naglalakad ang babaeng si Cielo sa gitna ng ground floor ng kompanya. Kahit pa binabati siya ng ilang empleyado na nadadaanan niya ay hindi niya magawang pansinin ang mga ito kagaya ng lagi niyang ginagawa.
Diretso siyang pumasok sa elevator at pinindot ang floor kung nasaan ang office ni Atticus. Siya lamang mag-isa ang nasa loob ng elevator dahil nasa alas-kuwatro y medya na rin ng hapon at kakaunti lamang ang gumagamit ng elevator sa mga oras na iyon.
Isang mariing paglunok ang ginawa niya bago niyakap ang sarili. Nakatitig siya sa sahig at halos bumuhos na ang mga luha niya dahil sa matinding awa para sa sarili niya. Kahit noon na ginagawa niya ang bagay na iyon ay hindi siya nakaramdam ng panliliit. Pero dahil sa mga sinabi kanina ng lalaking si Tiago, sa
