Mataman naman itong tinitigan ni Arnulfo. "Pumunta kayo ng ospital. Kailangan mong ipatingin ang mga sugat mo."
Mariing umiling ang lalaki. "Daplis lang ito."
Sa mga oras na iyon ay nakarinig sila ng siren ng kotse ng mga pulis sa labas ng mansiyon. Ayon sa daddy niya ay ito na ang makikipag-usap sa mga pulis at gamutin na lamang daw niya ang sugat ni Atticus. Lumabas ito ng mansiyon, siya namang balik ni Cielo dala ang emergency kit sa isang kamay nito.
"Diyos ko, ang lalim ng sugat mo sa pisngi! Malapit na iyan sa mata!" Umupo ang babae sa sofa sa tabi nito at hinawakan ang pisngi ng asawa niya.
Umiwas naman si Atticus dito bagay na ikinatigil ni Cielo. Nagbuga ito ng hangin saka siya binalingan ng tingin. "Marunong ka ba sa ganito?"
Mariin siyang lumunok bago binaling ang tingin s
