MARIIN ang pagkakatitig ni Atticus sa asawa habang nakatungo ang ulo nito at nakatitig sa sahig. Bahagya pa itong yumukod bago tuluyang nag-angat ng tingin sa kaniya.
"Pasensiya na sa inasal ko kahapon. Hindi na iyon mauulit," anito mula sa mababang tinig.
Isang mariing paglunok ang ginawa niya. Kinailangan pa niyang pilitin ang sarili na ibaling sa ibang direksiyon ang mukha dahil nahihirapan siyang hindi ito pagmasdan. Pinasok niya ang mga kamay sa magkabilang bulsa ng pantalon niya at bumuntong-hininga. Walang imik siyang umalis at lumabas ng kanilang kuwarto.
Nang makababa ay agad siyang nagtungo sa dining room at nagpaalam sa lalaking si Arnulfo.
"Hindi pa rin tapos ang tinatrabaho mo?" untag ng lalaki matapos niyang sabihin dito na kailangan na niyang mauna sa kompanya dahil sa t
