"Huwag mo nang paghintayin ang daddy mo," dagdag pa ng babae at muli niyang narinig ang pagsarado ng pintuan.
Lumunok siya at dahan-dahang bumangon. Tumayo na siya at bago tuluyang lumabas ay nilingon pa niya ang sarili sa harap ng salamin. Nakasuot siya ng simpleng white linen dress at nakalugay ang buhok niyang hanggang ibaba lamang ng balikat ang haba.
Ayaw man niyang maghapunan, gusto pa rin niyang makasamang kumain si Atticus. Kaya kahit napipilitan ay bumaba na siya sa dining room. Laking dismaya naman niya nang hindi makita ang lalaki sa loob ng silid-kainan. Alas-otso na pero wala pa rin ito.
Tumikhim si Arnulfo bago siya binalingan ng tingin. "Nagpaalam sa akin kanina si Atticus."
Mabilis siyang nag-angat ng paningin sa daddy niya nang marinig ang sinabi nito. Maging si Cielo
