Muli siyang umupo sa kaniyang swivel chair at nagsimulang basahin ang mga papeles. Upang tuluyang mapabagsak ang Marasigan Corp., kinakailangan niyang malaman at matukoy kung sino ang gumagawa ng anumalya sa kompanya.
Sa araw ng kasal nila ni Malina, ipinangako niyang siya ang magiging dahilan ng pagbagsak ng mga Marasigan at hindi lang ang kung sinong poncio pilato sa tabi.
Ipinagkumpara niya ang dalawang papeles kung saan sa isa, malinaw na dobleng halaga ang lumalabas sa kompanya. Pero sa isang papeles ay burado na ang ibang halaga na nagdoble. Halatang may nangyayaring hindi maganda sa Marasigan Corp., kaya kahit maganda ang kalidad ng mga nilalabas na kagamitan ng mga ito ay nalulugi pa rin sila.
Nasa ganoon siyang pag-iisip nang marinig ang pagtunog ng kaniyang selpon. Dinukot ni
