Halos mabitiwan ni Cielo ang hawak na clutch bag habang pababa ng hagdan. Nakasuot siya ng byoletang stretch bodycon dress at papalabas na ng mansiyon. Mabilis siyang sumakay ng taxi at nagpahatid sa kompanya.
Ilang taon niyang pilit na isinaksak sa isip na tama ang desisiyong ginawa niya. Sa bawat pera at alahas na nakukuha niya mula kay Arnulfo, pinagpipilitan niyang tanggapin na nasa tamang landas siya. Pero hindi niya maloloko ang sarili. Dahil kahit ano'ng bihis niya ng naggagandahan at naglalakihang alahas sa katawan, ang puso niya, isang tao pa rin ang hinahanap-hanap.
Mahal niya si Atticus. Naroon siya ngayon sa sitwasiyon niya dahil dito. At kung babalik man siya sa nakaraan, paulit-ulit niya pa rin iyong pipiliin. Akala niya, kaya niyang mabuhay na malayo rito. Akala niya, kaya
