LUMAPAD ang ngiti sa mga labi ni Cielo nang makita niyang bahagyang natigilan si Malina dahil sa mga sinabi niya. Nagbuga siya ng hangin mula sa ilong at naiiling na inilapit ang mukha sa babae.
"Sa tingin mo ba, magiging loyal at faithful pa rin sa iyo si Atticus kapag nakatalikod ka na?" Ibig niyang matawa.
"Paano na lang kaya kapag nalaman na ni Malina kung sino siya sa buhay ni Atticus? Paniguradong mas masasaktan ito."Hindi niya mapigilang isipin ang mga bagay na iyon. Nasisiyahan siyang malaman ang magiging reaksiyon nito. Paniguradong masasaktan ito nang labis.
Ngunit ang malaking ngiti sa mga labi niya ay biglang naglaho nang makita ang pagsilay ng matamis na ngiti sa mga labi ni Malina. Muli siyang nairita habang nakatitig sa mga ngiting nito. Nais niyang sampalin ang babae u
