INILAPAG ni Cielo ang isang bouquet ng mga puting bulaklak sa puntod ng yumaong asawa na si Arnulfo. Nag-alay siya ng maikling dasal para sa lalaki bago marahang hinaplos ang pangalan sa lapida nito.
"Apat na buwan na rin simula noong mawala ka, honey. Apat na buwan na rin itong baby natin," ngumiti siya matapos ng mga sinabi.
Bumaba ang paningin niya sa sariling tiyan at sandaling tinitigan ang tiyan niyang may maliit na umbok. Sa liit niyon ay hindi siya pag-iisipang buntis ng mga taong hindi nakakakilala sa kaniya.
Nagbuga siya ng malalim na hangin bago muling binalingan ng paningin ang lapida ng asawa. Sa tabi nito ay naroon ang isang puting rosas na fresh pa. Matagal niyang tinitigan ang rosas bago sumilay ang maliit na ngiti mula sa kaniyang mga labi.
"Honey, patawarin mo ako. Hi
