MAGKAHAWAK-KAMAY silang pumasok sa loob ng mansiyon habang walang kibo ang bawat isa. Nang matuntong ang enggrandeng hagdan ay tumigil sa paglalakad si Malina at lumingon sa kaniya. Sumilay ang isang matamis na ngiti sa mga labi nito.
"Pumasok ka na. Maliligo lang ako at pagkatapos, matutulog na muna," ani ng babae at tuluyang bumitiw sa kamay niya.
Mula sa mukha ng asawa ay nabaling sa kamay nito ang kaniyang tingin. Hindi niya maipaliwanag kung bakit pakiramdam niya, tila nawalan siya ng isang mahalagang bagay sa pagbitiw nito sa kaniyang kamay.
"Siya nga pala." Ngumiti ito at tila nahihiyang inipit ang ilang hibla ng buhok sa likod ng tainga. "Hihintayin kita mamayang gabi, huh?" nahihiya nito sabi mula sa malumanay ngunit masayang tinig.
May ilang segundo siyang hindi nakapagsalit
