Umawang ang bibig ni Malina sa mga nabasa. Seryoso ba ang lalaki? Hindi ba siya nananaginip? Ang pangalan naman ni Atticus ang nakalagay sa messenger. Ibig sabihin, ang lalaki nga iyon!
Mabilis na lumapad ang ngiti sa mga labi niya at agad na nagtungo sa malaking aparador. Nagsuot lamang siya ng simpleng floral jumpsuit, sandal at floppy hat. Halos patakbo siyang lumabas ng kuwarto at bumaba ng marangyang hagdan ng mansiyon. Nang makalabas ng gate, natanaw niya sa hindi kalayuan ang lalaki. Nakasuot ito ng black basic shirt na nakarolyo ang manggas hanggang siko nito at dress pants.
Nagsisi tuloy siya kung bakit nagpalit pa siya ng damit. Terno sana sila ni Atticus kung hindi siya nag-inarte.
"Magdi-date tayo?" masigla niyang bungad nang makalapit dito.
Sumilay ang isang ngiti sa mga l
