"LUMUHOD KA."
Mariing kumuyom ang mga kamay ng lalaking si Atticus. Ilang beses siyang lumunok habang nakatitig sa mga mata ng babaeng dating naging parte ng buhay niya. Nang biglang maalala ang lumuluhang mukha ng asawang si Malina ay walang pag-aatubiling lumuhod siya sa paanan ng babae.
Blanko ang mukha, matigas na nakakuyom ang mga kamao. Ito ang hitsura niya habang nakaluhod sa sahig. Kung kinakailangan niyang lunukin ang lahat ng pride para sa kaunting pag-asa na makakaligtas si Malina, nakahanda siyang gawin.
Umawang naman ang bibig ni Cielo. Ginusto nitong makita kung hanggang saan ang kayang gawin ng lalaki para kay Malina at hindi nito inaasahan na talagang gagawin ni Atticus ang inuutos nito.
"Para kay Malina, nagawa mong gawin ang bagay na iyan? Ganiyan mo na ba siya kamah
