Tuluyan siyang tumayo at nagtungo sa loob ng shower upang mawala ang sabon sa katawan. Nang matapos ay nagtapis lamang siya ng puting tuwalya at saka lumabas ng kuwarto. Patungo siya sa walk-in closet nila ni Arnulfo nang makarinig siya ng sunod-sunod na katok sa pinto.
Agad na sumilay ang ilang gitla sa noo niya nang mapansing tila nagmamadali ang kung sinumang nasa labas ng silid. Binuksan niya iyon at napasinghap nang bigla siya nitong hawakan sa braso.
"A-Atticus? Ano'ng ginagawa mo!" daing niya nang maramdaman ang kirot sa mahigpit na pagkakahawak nito.
Marahas siyang hinila ng lalaki palapit dito. "Huwag n'yong idamay ng lalaki mo si Malina!"
Napangiwi siya at sinubukang kumawala sa pagkakahawak nito. "Ano bang sinasabi mo!"
"Oras na may nangyaring masama sa kaniya, masasaktan k
