LAHAT na ng nai-suggest na test ay ginawa na kay Narian. Naiinis na talaga siya. Sa huli ay hindi na siya pumayag na kung ano pa ang gawin sa kanya ng mga doktor. Wala naman talaga siyang sakit. Paano siya mabubuntis eh virgin pa nga siya? At ang ikinagalit niya ay ang pagpilit ni Alessandro na may problema siya sa pag-iisip.
Sa inis niya’y nagkulong siya sa kuwarto. Tiniis niya ang gutom at pagkauhaw. Pero kinagabihan ay dinalhan siya ni Farah ng pagkain. Nakahilata lang siya sa kama.
“Uyusin mo ang sarili mo, uy! May gustong kumausap sa ‘yo,” sabi ni Farah pagkalapag ng tray ng pagkain sa bedside table.
“Wala akong ganang makipag-usap kahit kanino,” mataray na sabi niya.
“Kahit kay Dr. Sandro?” anito.
Bumalikwas siya nang upo. “Pinagloloko mo ba ako, Farah?” asik niya sa pinsan.
“L
