Reese Jayana “Tomboy” Abad
Magkahawak ang aking kamay dahil sa hindi maipaliwanag na aking nararamdaman. Ilang oras na lang makikita ko na rin ang aking ina. Sa unang pagkakataon, makakasama ko siya at mahahagkan. Bonus na nakasama ko rin si Tatay kahit napaka imposibleng paniwalaan ang lahat.
Pabalik-balik ako sa paglalakad sa sala habang hinihintay sina Kendric at ang iba pa niyang kasama.
“Thank God, they are safe!” usal ko sa hangin. Nakatanggap ako ng tawag kay Ken ng magandang balita.
“Anak! Kanina ka pa hindi mapakali d’yan. Pati ako nahihilo na rin sa kakaikot mo. Maupo ka na. Narinig mo naman ang sinabi ni Kendric na successful ang plano nila. Wala ka nang dapat ipag-alala pa!”
“Sorry, ‘Tay! Hindi kasi ako makapaniwala. Mabubuo na ang pamilya natin. Parang panaginip ang laha
