Mabilis na lumapit ang mga sundalo sa tila nababaliw na si Bruno hindi pa rin ito tumitigil sa pagtawa. Pinusasan n'at lahat pero tawa pa rin ng tawa na tila nababaliw habang nakatingin kay Bogart na nakahandusay at naliligo sa sariling dugo. Hindi pa naman patay ang lalaki, kanina wala pa itong malay pero dahil sa pagsaksak dito ni Bogart ng paulit-ulit kaya siguro bumalik na ang ulirat nito.
Si Arlott naman ay nayakap na lamang ang kanyang Lola Nena dahil natakot siya sa mga taong dumating. Mga armado at mga naka- uniform ang mga kalalakihan.
Lumapit din si Loleng at Marilag kay Lola Nena pero si Loleng ay dinaluhan naman ang kapatid. Kahit anong galit sa kapatid nangibabaw pa rin ang pagiging kapatid nito. Niyakap nito ang duguang si Bogart habang umiiyak. Pati ang lalaki ay umiiyak
