Akala ni Arlott ay madali lamang silang maglalayag sa karagatan pero iyon pala inabot sila ng halos dalawang araw sa karagatan. Noong una masaya pa sila ni Marilag dahil kahit papano ay nakakalimutan nila ang tungkol kay Lola Nena dahil sa magandang tanawin.
Napakaganda kasi ng karagatan, napakalawak niyon parang walang hangganan kung pagmamasdan. Idagdag pa ang napaka-aliwalas na kalangitan, kalmado din ang tubig kaya feeling niya ay safe naman ang kanilang paglalakbay. Iyon nga lang medyo nakaramdam na siya ng pagkahilo, mabuti na lamang may mga upuan na malapit sa kanya.
Si Marilag ay mukhang nakaramdam na rin ng pagkahilo matapos ang ilang oras nilang paglalakbay. Kaya umupo dito ito sa tabi niya at humilig sa balikat niya, agad siyang napaligon sa gawi nina Tita Nelly, natatakot ka
