"Mama! Mama!" tawag ni Marilag sa ina pero hindi lang ito pinapansin.
Maging ang lalaking sundalo na mukhang kakilala nito ay tinatawag din ito pero dire-diretso pa rin ito sa pagtakbo hanggang sa may dalampasigan. At lalo itong naghihiyaw ng masilayan ang dugong nagkalat sa buhangin kung saan marahil natagpuan ng mga sundalo ang wala ng buhay ni Lito.
Mabilis itong tumakbo sa tubig, si Marilag naman ay hinabol din ang ina pero nauna na ang sundalo na tinatawag na kapitan ng mga sundalo. Agad na hinapit nito ang bewang ng mama ni Marilag ng maabutan ito.
"Nelly! Nelly! Huminahon ka!" sigaw ng lalaki a tila inaalog pa ito sa balikat.
Pero tila walang epekto iyon sa babae, nanlalaki pa rin ang mga mata nito habang nakatingin sa lugar kung saan nandoon ang buhanginan na may dugo ni Li
