"Sasakay yata yung kasama ninyo ah," wika ng bangkero sa kanila at akmang ibabaling na ang bangka.
"Huwag po Manong, hindi po namin siya kasama. Masamang tao siya gusto po niya kaming gawan ng masama. Parang awa niyo na po tumuloy na po tayo doon sa kabila." pakiusap ni Arlott sa bangkero.
"Opo Manong m-masamang tao po siya gusto niya po kaming saktan. Sige na po tulungan niyo po kami ng m-makalayo sa kanya." maluha luha namang pakiusap ni Marilag.
"Ay gano'n ba ay sabagay mukha ngang hindi gagawa ng mabuti iyan. Sige saan ko ba kayo dadalhin, sa kabilang ibayo ba doon sa pinagsakyan ko rin sa inyo kanina?" Tanong ng bangkero sa kanila, nakahinga tuloy sila ng maluwag dahil naintindihan na nito ang kanilang sitwasyon. Balak kasi nitong ibaling ang bangka at pasakayin ang walang hiyang
