Dali-dali nilang tinahak ni Marilag ang patungo sa kabahayan na nakita niya hindi naman iyon maraming bahay kundi iilan lamang pero kung hindi siya nagkakamali may nakita din siyang dagat. Nasa tabing dagat ang mga kabahayan, sana lang talaga hindi masamang tao ang mahingan nila ng tulong.
"Kuya magpapakita ba agad tayo sa kanila o hindi? Makikipag-usap ba tayo sa kanila? Paano ko masama din sila katulad noong mga bandido?" tanong sa kanya ni Marilag habang naglalakad silang dalawa patungo sa kabahayan.
"Siguro Marilag makikiramdam muna tayo, hindi muna tayo magpapakita sa kanila. Paglapit natin sa may kabahayan magtago ka muna, ako muna ang pupunta doon sa mga bahay at kung may mabait na tao na makausap ako saka na kita tatawagin. Pero kung katulad pala sila ng mga bandido. Wag mong ka
