Hindi pa man ganap na tumitilaok ang nga manok ay gising na ang mga magulang na tila ba babiyahe sa malayong lugar.
"Kikay," yugyog ng ina sa kaniya.
"Hmmmp!" tanging tugon. Antok na antok pa siya.
"Bumangon ka na diyan para naman makabiyahe na tayo," ani ng mga ito.
'Excited lang Inay, may sarili na po tayong sasakyan,' aniya sa isipan. Ngunit imbes na gumising ay naglumot pa siya. Sarap na sarap pa naman siya sa pagtulog.
"Batang ito, anak gumising ka na diyan?" hirit ng ina.
"Inay, hindi na po kagaya ng dati," hindi mapigilang sabad. Ganoon na ganoon ang ina sa tuwing babiyahe siya papunta ng Quezon Province. Para bang pupunta siya ng Ilocos o Visayas sa layo at kailangan talagang maagang-maaga sila.
"Anong hindi kagaya ng dati? Sabihin mo nga? Kailan pa naibsan ang trapiko sa ED
