HAWAK-HAWAK NI WILLIAM ang mga kamay ni Ginger hanggang nakalabas sila ng eroplano. Napansin ni Ignacio ang paghawak-kamay ng dalawa ngunit hinayaan niya lamang ang mga ito. Naisip niyang baka nagkamabutihan na ang dalawa sa biyahe.
"Wow! Airport ba talaga 'to? Eh, parang botanical garden. Ang ganda!"
"Changi Airport is one of the garden-like park airports. Ito ang pinakamaganda sa lahat ng airport na nadaanan ko na. Relaxing," paliwanag ni William.
“Napakaganda nga! Parang namamasyal lang sa park.”
“Dito hindi ka ma-bored kapag na-delay ang flight kasi marami kang puwedeng puntahan sa loob ng airport. They also have luxury brand shops here.”
“Hindi ko naman afford ‘yon. I’m sure doble ang prices ng mga merchandise nila sa loob ng airport.”
“No, it’s about the same price. Wala lang
