WILLIAM TOOK THE car keys. Siya na ang nagmaneho habang naghanap sila ng pinakamalapit na grocery store dahil tanghali na para pumunta sa market. Wala nang mabibilihan doon dahil nagsisipagsara na ang mga tindahan. Alas-tres ng madaling araw hanggang alas-diyes ng umaga lamang bukas ang mga tindahan sa market ng Subic.
“Pretty, type in ‘Puregold’ on my Waze app.”
“Alin dito?”
“’Yang blue na icon na may multo.”
“Ano’ng ginagawa ng multo sa phone mo?”
“Pretty, just type in ‘Waze’ that blue icon with Casper, the friendly ghost in the middle, is Waze app. Type in ‘Puregold’ in the search box that says ‘where to.’”
Tumawa si Ginger pagkakita sa widget ng Waze navigation app dahil multo naman talaga ang icon doon.
"Baka dalhin tayo nito pabalik kay Lola Ipang at makita ko na naman ’yong
