Chapter 126
"Ate, tulungan mo ako. Tinatakot ako ni Jay-r. Papatayin din daw n'ya ako." Iyon ang mensahe ni Vella. Gamit n'ya ang numero ni Kateren. Mukhang nanghiram pa ang kapatid ko ng cellphone para lang ma-message ako. Kaya hindi rin ako nag-alinlangan na tawagan ito.
"Ate Vee, tulong. Parang awa mo na. Papatayin daw n'ya ako kapag isinumbong ko siya. Ate, siya ang pumatay kay Nanay at Ate Veronica. Ate, tulong."
"Papunta na ang ate d'yan, Vella. Nasaan ang mga bata?"
"Kasama ko po. Nandito kami kay Ate Kateren. Inaayos na sina Nanay roon sa bahay. Pero natatakot akong umuwi. Kasi nandoon din si Jay-r. Kanina ko lang nalaman, ate. Narinig ko siya. Narinig ko siyang nagsasalita mag-isa. Papatayin daw n'ya ako kapag ipinagsabi ko ang totoo." Iyak nito. Na-recover ang bangkay ng mga
