Nagising si Dominique sa hindi pamilyar na silid. Napasigaw siya ng makita ang sarili sa ilalim ng kumot na underwear lang ang suot niya. Hinawakan niya ng mahigpit ang kumot na nakatabing sa kan’ya. Hinihintay niyang may lumabas o pumasok sa mga pintuang nakikita niya. Ilang minuto pa siyang naghintay.
Pinakiramdaman niya ang sarili pero wala namang kakaibang nangyari. Ang katanungang nasa isip niya ay kung bakit nakahubad siya? Nasaan siya?
Nang masigurong wala siyang taong kasama ay mabilis ang naging kilos niya.
Hinanap niya ang kan’yang damit. Napako ang tingin niya sa sahig. Nakakalat ang sinuot niya kagabi.
Nakita niya rin ang bag niya sa may maliit na center table. Tiningnan niya ang bag kung may nawawala ba na mga gamit niya. Pero kompleto naman ito. Hindi pagnanakaw ang pakay
