Pagkatapos ng araw na iyon ay palagi ng bumibisita si Caleb sa kan’ya. Seryoso nga ito sa sinabi nito. Pero hindi niya ito pinapansin. Consistent ang kakulitan nito. Hindi niya alam kung saan ito humuhugot ng lakas ng loob. Kung kakausapin naman niya ito ay tungkol sa kompanya.
Mabilis na lumipas ang araw.
Excited siyang nag-ayos ng sarili para sa book signing niya mamaya. Siguradong magugulat si Keana kapag nakita siya nito.
Napatigil siya sa paglagay ng powder sa mukha ng marinig ang boses ni Jennie sa labas.
"Ate, nandito na po si Sir Grecco!" anito mula sa labas.
Hindi lang si Laila ang kasama niya ngayon. Niyaya niya si Grecco para may kasama silang lalaki. Sinama kasi ng ama si Ismael sa Davao. Gusto niya din sanang sumama para dalawin ang kapatid pero baka mawalan lang siya ng
