Sampung minuto bago dumaong ang sinasakyang ferry ay panay ang tingin ng mga crew sa kanila mag-ina, maging sa kaibigan. Feeling niya tuloy may nagawa silang mali ni Laila.
Mukha ba silang magnanakaw? Hay, sa ganda nila mapapagkamalan pa sila?
Buti tulog na tulog si Callen. May mga lalaki ring parang nakamasid.
Baka nagagandahan lang sa amin, aniya sa sarili.
Mayamaya ay nag-anunsyo na maghanda na sa pagbaba. Ayaw niyang makipagsik-sikan kaya hinayaan muna nilang mabawasan ang mga pasahero bago tumayo. Nakailang hakbang pa lang sila ng anak ng harangin ng isang crew.
“Ma’am, paunahin po natin muna sila. May dala ho kayong bata, mahirap na po baka isiksik nila kayo,” anang babaeng staff.
“Oo nga, Dom. Mayamaya na lang,” sang-ayon ni Laila na nasa likod niya na may bitbit ng bag.
“Gan
