AUBREY
Tinawagan ko si Ate Liegh para sana kahit paano ay may makausap siya at madamayaan ko kahit sa phone
man lang, pero hindi niya sinasagot. Si Ate Camilla ang sumunod na tinawagan ko at matapos ang ilang ring ay sinagot niya ang tawag ko.
"Aubrey-" Hindi na natuloy sabihin ni Ate Camilla ang dapat na sasabihin sana niya, dahil narinig kong humagulgol na ito sa kabilang linya.
"Ang anak ko, si Jam," impit na sabi ng umiiyak na si Ate Camilla.
Narinig ko ang bawat hagulgol niya at kahit wala siya sa harap ko, boses pa lang ni Ate Camilla ay alam kong luhaan na siya sa mga oras na ito kaya nadudurog na ang puso ko dahil kahit hindi ko pa pinapanganak ang mga batang nasa sinapupunan ko ay ina na rin ako.
Isipin ko pa lang na mawawala ang kahit na isa sa kanila ay sobrang sakit na
