"Hindi ka na aalis, Aquihiro." Humarang na si dad sa akin. Iyong realization ko kanina na wala nga talaga si Tabitha ay parang sampal sa akin. Ano bang nangyari sa akin? Anong kalokohan iyong nangyari sa akin kanina? Hindi ako makapaniwala na wala talaga si Tabitha.
Buong akala ko'y nagtagumpay na ako sa pagdukot ko rito.
"Dad. Tabi." Umiling ang aking ama.
"Hindi ka aalis, Aquihiro. Huwag mong hayaang magkasakitan pa tayo, dahil lang gusto kong pigilan ka. Anak, makinig ka sa akin. Pwede natin silang balikan. Hindi man ngayon, pero kapag malakas na ulit tayo."
"Dad, no! Baka huli na ang lahat kapag umalis tayo na wala si Tabitha. Baka annulled na kami, baka kasal na sila ni Atlas. Baka nakabuo na sila ng pamilya nila. Sa tingin mo ba iyon ang gusto kong balikan? No! Hanggat maaari
