Alas tres na ng hapon nang matapos si Maya sa trabaho. Matyaga itong hinintay ni Daniel. At sinamahan sa tinitirhan nito. Extension iyon ng bahay ng amo nito. Tila bodega na ang hitsura. At sama-sama pa ang lahat ng trabahador doon.
Napakaliit ng lugar lalo na sa kuwarto ng nobya at ng ate nito. Mainit dahil wala ni isa mang bintana. Sobrang kitid na daig pa ang isang kulungan. Amoy kulog din dahil nakita niya ang mga sinampay na nasa uluhan lang niya.
Ilang beses nagtaas-baba ang Adam's apple niya sa pagpipigil ng emosyon. Awang-awa siya sa nobya. Lukot at tuklap-tuklap ang mga balat nito sa kamay, sanhi marahil ng matagalan na pagbabad sa tubig at sabon dahil sa paghuhugas ng mga pinggan. Humaba na ang buhok nito. Lumagpas na sa balikat. Dati iyon ang asset nito ngayon ay tila hindi na
