"Maya . . . " Gimbal si Stella nang makita kung paano sumalpok ang sinasakyan ni Maya sa kasalubong na kotse.
Parehong bumaliktad ang naturang kotse. Kaagad lumabas ang makapal na usok pagktapos ay nagliyab ang unahang bahagi. Nanlalaki ang mata niya. Hindi makahuma. Pero ang pagkagimbal niya ay nauwi sa ngisi. Ngisi na nauwi sa malakas na tawa.
Good!
Hindi ba iyon naman talaga ang gusto niyang mangyari? Ang mawala si Maya sa landas niya? Ito na ang kanyang pagkakataon!
Susugurin na naman sana niya ito kaninang umaga sa opisina nito ngunit sa parking lot pa lang ng basement ay nakita niyang papasakay ito ng kotse kasama ang isang babae.
Hindi niya alam kung ano ang nagtulak sa kanya na sundan si Maya. Sinundo pa nito ang anak sa training center ng mga gustong matutong lumangoy. And
