Chapter 84- TCAN
"Se-Selena, bumalik ka!" bulalas ni Dina. Laking gulat nito ng makita si Selena na kasama ni Marcus dumating.
"Naku, Selena, mabuti na lang at binalikan mo kami," sabi naman ni Olga.
"Sabi ko na, hindi mo kami matitiis eh," ani naman ni Leni.
Alanganing ngiti ang ibinigay ni Selena sa mga dating kasamahan.
"Grabe, ilang linggo ka lang nawala ang laki na ng ipinagbago mo." Pinaikutan ng tingin ni Dina si Selena. Napansin kasi niya na parang kakaiba na ang itsura nito ngayon kumpara ng huli niya itong makita. Dati ng makinis ang kutis nito ngunit ngayon ay mamula-mula na at madulas. Ang suot na damit ay ibang-iba rin sa mga isinusuot nito noon at tila ba mamahalin.
"Selena, ito na ang mga gamit mo." Biglang pasok ni Randy, bitbit ang mga maleta ni Selena na kinuha nito
