"Selena, tumawag si Sir Marcus, pumunta raw kayo ni Liam sa opisina niya ngayon din," bungad na sabi ni Dina. Sinadya nito si Selena sa kwarto ni Liam. Kasalukuyang tinuturuan niya ng assignment sa math ang kaniyang alaga, patapos na rin sila at isang problem na lang ang iso-solve. Sabado naman ngayon kaya lang ay pinagawa na niya rito ang assignment dahil nag-iisa lang naman iyon.
"Huh! Bakit daw kami pupunta roon?" tanong niya kay Dina.
"Hindi ko alam, basta ang sabi pumunta kayo. Magpahatid na lang daw kayo kay Randy. Bilin ni Sir, huwag kayong magko-commute."
"Okay, sige, tapusin lang namin 'to at aalis na rin kami."
"I'm done, let's go, Selena!" buhat sa pagkaka-upo sa kama ay mabilis na tumayo si Liam. Excited na itong umalis at pumunta sa kompanya ng kaniyang ama. Matagal-tagal
