Matapos bihisan ni Selena nang damit pantulog si Liam ay agad itong lumabas ng silid.
"O, Liam, saan ka pupunta? Akala ko ba manunuod ka ng cartoons?" habol na tanong niya sa alaga.
Isinaksak pa lang niya sa saksakan ang malaking tv na nakasabit sa dingding nang iwan siya nito.
"I'm going to Daddy in the kitchen!" pasigaw na sagot ng bata. Nakalabas na ito ng silid at patungo na nga sa kusina.
Hinayaan na lang ni Selena na nakabukas ang tv at sinundan niya si Liam.
Matapos nilang makarating sa condo at maipasok ang plastic bags ng mga groceries ay nagbihis lang ng pambahay si Marcus, pagkatapos ay dumiretso na siya sa kusina para ayusin ang kaniyang mga pinamili.
"What are you doing, Daddy?"
Kasalukuyang hinuhugasan ni Marcus ang hilaw ba manok sa lababo, katatapos lang niyang mag
