Maganda ang araw na ito para kay Selena. Ewan ba niya, parang ang gaan-gaan ng pakiramdam niya. Paggising pa lang niya ay mga huni na ng ibon ang naririnig niya at ang sarap sa pandinig niya ang mga iyon.
"Hoy! Nasisiraan ka na ba ng bait?" Siniko siya sa tagiliran ni Dina kaya naman nabaling ang atensiyon niya rito.
"Huh! Bakit ba, ano'ng problema mo?" inis na tanong niya.
"Wala akong problema, baka ikaw ang meron. Kanina ka pa halo nang halo sa gatas na 'yan, halos mangalahati na ang baso oh, tingnan mo natapon na lahat ang laman sa lamesa. Tsk! Ang malala pa do'n habang naghahalo ko ay may pangiti-ngiti ka pa. Akala ko ba hindi mo type si Sir John? Sinagot mo na noh, nakita ko kayong magkayakap kagabi. Kaya pala, para kang lutang d'yan," may himig panunukso na sabi ni Dina.
"Huh! Hi
