Sinadyang abangan ni Selena ang pagtayo ni Marcus. Tama namang nagpaalam ito sa mga kasamahan na pupunta sa cr. Mabilis ang mga hakbang na sinundan niya ito, gagawa siya ng eksena para mapansin siya ni Marcus. Naghintay siya hanggang sa makalabas ito ng banyo.
Buhat sa pagkakasandal sa sementadong poste ay napatuwid siya ng tayo ng makita ang bulto ni Marcus na papalabas sa men's room. Mabilis ang mga kilos niya, nagkunwari siyang papunta sa powder room at sinalubong niya ito. Sinadya niyang banggain si Marcus, nasagi niya ang balikat nito. Dahil lasing ay wala na sa tamang balanse ang katawan nito, malakas ang naging impact ng pagbangga niya rito, muntik na itong matumba ngunit naagapan naman niya na maalalayan ito.
"Naku! I'm sorry, Mister, hindi ko sinasadya," aniya, habang sinisikap
