“Wow… napakaganda mo, Selena!” bulalas ni Simon, nasa paanan ito ng hagdan, humahanga ang mga tingin nito na hinihintay makababa si Selena.
“Siguradong maiinggit sa akin ang lahat ng lalake sa party ngayong gabi. Ako ba naman ang may pinakamagandang date,” may halong pagyayabang na sabi nito ng sa wakas ay magkaharap na sila.
Nanulis ang nguso ni Selena. “Huh… bolero! Tumigil ka nga d’yan, Simon! Ako pa lang naman ang nakikita mo, hindi mo pa nakikita ang ibang babae sa party, paano mo naman nasabi na ako ang pinakamaganda?” natatawang tanong niya.
“Basta alam ko lang, at sigurado naman ako. Meron lang talagang iba d’yan na nagbubulagbulagan,” pasaring nito.
Nangunot ang noo ni Selena. “Ano’ng ibig mong sabihin?” tanong niya.
Umiling ang binata. “Wala, huwag mo nang pansinin ang sina
