KINUHA ko ang baril ni daddy Rey. Tumayo ako kahit nahihirapan ako dahil sa sugat na natamo ko sa latigo ni Via sa akin. Humakbang ako roon sa Ravon na iyon na nakahiga at malakas na tumatawa ngayon.
“Mamamatay siya!” madiin niyang sabi sa akin.
Nandilim ang aking paningin sa kanyang sinabi. Tinutok ko ang baril sa kanyang mukha at pinutok ko iyon sa kanyang katawan nang paulit-ulit. “Ikaw ang pupunta sa impyerno at hindi kami! Ikaw! Hinihintay ka naʼng mga kapwa mo, Mr. Ravon!” sigaw mo sa kanya.
“Mallo!”
“Miss Mallory!”
Naririnig ko ang tawag nila sa akin pero hindi ko sila pinapakinggan. Pindot pa rin ako nang pindot sa baril na hawak ko kahit hindi na ito pumuputok.
Naramdaman ko na lamang na may yumakap sa akin. “Mallo, ang kuya Adam mo ito,” bulong niyang sabi sa akin at kinuh
