Mataas man ang heels pero mabilis na nakatakbo papalayo roon si Katarina, iisa ang tungo 'yon ay ang bumalik sa opisina ng ina upang alamin ang katotohanan sa kanyang nawawalang memorya.
"Ma'am wala pa po si Ma'am Kath," bati nang nabiglang sekretarya ng ina sa kanyang pagbabalik pero hindi niya ito pinakinggan at deretsahang pumasok sa opisina ng ina.
Doon ay naigala ang buong paningin sa kabuuan ng opisina hanggang sa unti-unting napaupo sa upuan sa harap ng desk ng ina saka sinapo ang mukha at pilit na inaalala ang mga nawalang memorya.
"Wala rito si Ma'am Katherine, nasa Amerika siya kaya makakaalis ka na," mabilis nitong sambit saka tumalikod.
"Manang! Manang!" tawag sa babae. Itatanong sana niya kung kailan ito babalik pero mabilis na nakalayo ang katulong. "Manang!" sigaw pang t
