Halos malaglag ang panga ni Reden sa narinig na sagot ng babae.
"Naku, mabuti pa siguro ay doon na muna tayo sa convenience store," palatak ni Katarina sa lalaking kausap. Ewan ba niya pero parang ayaw pa niya itong pakawalan, lalo kasi siyang na-intriga dahil sa alam nito ang pangalan ng kanyang mama.
Nakitang napatitig lamang sa kanya ang lalaki kaya nagsimula na siyang humakbang patungo sa katabing convenience store ng kanilang building.
Wala namang nagawa si Reden kundi ang sundan ang babae na mukhang ayaw pang sagutin ng deretsahan ang kanyang tanong.
"Hey!" habol sa babae. "Katherine Lopez ba ang pangalan ng mama mo?" ulit na usisa sa babae.
Napatigil naman ito sa paghakbang saka nagdududang tingin ang binigay sa kanya.
"You're doing business with her bakit hindi mo alam?" tur
