Sa kabila ng agam-agam at pag-aalinlangan ay masayang-masaya si Reden na makitang muli na magkayakap sina Nanay Estrella at Katarina. Bagaman may nakikita siyang pagkalito rin mukha ni Nanay Estrella, marahil ay hindi ito sanay sa bagong mukha ng batang matagal nitong inalagaan.
"Grabe, na-miss ko kayo, nanay," bulalas ni Katarina nang tuluyang naalala ang lahat.
Bakas sa mukha ni Nanay Estrella ang pagkatulala habang nakatingin sa kanyang mukha.
"Nanay, hindi ba kayo natutuwa at nagbalik na ako?" untag ni Katarina.
Mabilis naman itong ngumiti.
"Natutuwa anak, medyo naninibago lang ako," matipid nitong wika.
Mabilis na kinuha ni Katarina ang palad ng ina-inahan at dinampi 'yon sa kanyang mukha.
"Natutuwa naman ako anak dahil natupad na ang matagal mong pinapangarap, sa akin lang ay
