CYRIA
After breakfast, kulang na lang ay ipagtabuyan ko ang dalawa na umakyat sa silid para matulog at makapag-pahinga na sila. Kung hindi ko pa sila pinandilatan ng mga mata baka hanggang ngayon ay narito pa sila at nakasunod sa akin.
Past ten o'clock na, andito ako sa nursery room ni Andrew at nakikipaglaro sa kanya pero ang isip ko ay nasa itlog na gusto kong kainin mula kagabi pa.
Kasama si Andrew at buhat ito ay bumaba kami sa ground floor at agad hinanap si Alice. Hindi kasi talaga ako mapakali at nagtutubig ang bagang ko kaya pinuntahan ko na sila sa kusina para hanapin ang itlog na gusto ko.
"Good morning po, Ma'am Cyria at sa iyo rin po poging baby namin," magalang na bati sa amin ni Alice at nang ilang kasambahay na naabutan ko dito sa kusina.
"May kailangan po kayo, ma'am?
