"Bakit kayo nakatingin sa akin? Hindi ako ang umutot!" aniya sabay turo kay Dom.
"Bakit ako?" gagad naman nitong wika.
"Alangan sila?" Turo sa mga nasa likuran nila.
"Okay, fine! Ako na," inis na pag-aako ni Dom nang mapahagikgik ang kapatid nang muling makarinig ng tunog.
Lahat ay natahimik at isahang lingon kay Maine. Kasunod nang muling pag-alingasaw ng hindi kaaya-ayang amoy.
"Hindi ba't sinabi kong nagpa-check up ka na?" gilalas ni Dom sa kapatid.
Nakitang napatapik ito sa bibig na tila may naalala. "Sorry, nakalimutan kong uminom ng gamot," anito. Wala silang nagawa kundi pahupain ang lahat bago sila nag-order ng kanilang pagkain.
Kahit papaano ay bumawi si Maine sa mga pagkaing in-order ng asawa para sa kaniya. Busog na busog siya pagkatapos ng masaganang hapunan nila. Na
