KUMPLETO ang pamilya pagdating ng hapunan. Nagsesermon si Riegen kay Syrel. Si Symon naman ay tahimik lang na kumakain. Katabi ni Rebecca si Syrel. Nasa tapat niya si Symon, at ang mag-asawa ay nakaupo sa magkabilang dulo ng oval na dinning table.
“Kailangan mo nang mag-enrol ulit, Syrel. Wala ka nang chance makapasok sa academy sa susunod na taon dahil hindi na sila tatanggap ng bagong estudiyante. Tatapusin na muna ang last batch,” sabi ni Riegen.
“Dad, hindi ba ako puwedeng pumasok sa organisasyon na hindi graduate ng academy?” ani ni Syrel.
“Isa iyon sa requirements. Kung hindi ka graduate ng academy, sa utility work ka mapupunta. Gusto mo ba ‘yon?”
“Tsk. Ang arte naman ng organisasyon. Hindi ko naman kailangang mag-aral, eh.”
“Huwag mong sagarin ang pasensiya ko, Syrel! Kapag hi
