Napangiwi si Marcus.
Hindi na lang ito basta nagbibiro.
Mabilis na inusisa ni Isabella ang sugat ni Marcus. Ganun na lang ang pagkagimbal iya ng makitang may dugo nga ang bendahe na nakatakip sa sugat nito.
"Kailan pa ito? Akala ko ay galos lang ang natamo mo kagabi," tanong ni Isabella na umalalay na kay Marcus.
Umakbay naman si Marcus sa kanya. Lihim na sinulyapan ni Marcus ang assistant at kinindatan.
"Halika, dito na muna tayo." Umalalay pa si Isabella sa pag upo ni Marcus.
Kumuha ng isang silid si Isabella sa hotel na iyon para agad na makita ang sugat ni Marcus. Hindi siya mapakali dahil alam niya na isa siya sa dahilan kaya pinaghihigantian ng mga Mansano si Marcus.
"Hindi ko lang sinabi sayo kagabi para huwag kang mag alala. Pero nalaman mo rin. Masyado ka kasing mapanakit,"
