Conglomerates: The Impostor

Kabanata 20

At bakit naman magpapadala ng tao ang kanyang nanay-nanayan ng walang matinding rason?

Itinaas niya ang kumot hanggang sa kanyang leeg upang takpang ang sexy na lingerie na suot niya at tsaka umupo sa kama.

Nagpakunwari namang naglilinis ng gamit ang middle aged na babaeng pinadala ni Myrna, at tsaka inabot kay Hariet ang isang puting sulat mula sa kanyang amo at maingat na umalis.

Hindi na nag-atubili pa ang dalagang buklatin ang liham na pinapaabot ng kanyang stepmom. At halos manlaki ang kanyang mga mata sa nabasa.

“Go home right now and leave Maxen El Cuangco alone. Sneak into the basement at may itim na sasakyan na naka-park doon. Gamitin mo ito para umuwi. I will explain everything here. Be a good daughter and follow mom,” ani ng liham.

Naguguluhan man ay hindi magawang makapalag ni Hariet. Sa tanang buhay niya ay nabuhay siyang sunud-sunuran sa lahat ng nais ng kanyang mga magulang at kapatid. And she can’t even say no on this request.

Hindi niya alam ngunit may kung anong tinik ang tumusok sa kanyang dibdib nang tumayo na siya mula sa kama. May Nakita rin siyang maliit na susi ng sasakyan na naiwan sa maliit na lampstand na wala naman noong natulog siya kinagabihan. Marahil ay iniwan ito ng babae kanina para gamitin niya.

Tahimik niya itong inabot at tsaka tumayo upang kunin ang isang oversized na night robe at ibinalot sa kunting saplot ng kanyang katawan. Hindi naman siya maaring lumabas ng naka-lingerie lamang. Baka iba ang isipin ng mga makakakita sa kanya.