Chapter Fifty-eight
Hindi ko na hinintay pang makababa si Mackenzie para pagbuksan kami ni Avery. Bumaba agad ako. Humabol naman ang lalaki at binalak kunin si Avery pero tumanggi ako.
"Salamat sa pagsama sa amin, Mackenzie. Kaya ko na rito." Dere-deretso akong pumasok ng bahay na buhat si Avery na natutulog na. Kahit iika-ika ay kinaya ko. Balak pa sanang sumunod ni Mackenzie pero mas nauna ko nang naisara ang gate at tumuloy sa bahay.
Paglapag ko kay Avery sa couch ay dali-dali kong binalikan ang pinto saka ini-lock iyon. Para akong nauupos na kandila. Sumalampak ako sa sahig. Tulala at walang humpay ang aking luha sa pagbuhos. Bakit ang malas ko pagdating sa lalaki? Bakit kung kailan nagtiwala akong muli ay ganito pa ang nangyari?
Kaya pala biglang sumulpot sa buhay naming mag-in
