Chapter Eighty-nine
Nakaupo ako sa wheelchair habang itinutulak ni Mackenzie iyon. Palabas na kami ng hospital. Deretso lang ang tingin ko. Tulala. Nang huminto ay napakurap-kurap ako. May nakaharang kasi sa daan namin. Nang tumingala ako ay nakita ko si Dorcas.
"Dorcas?" gulat na ani ko.
"Hi, Lia! Nabalitaan kong nandito ka. Kumusta?" inabutan ako nito ng bulaklak. Wala ba si Prim? Kasama ba nito ang kaibigan ko pero hindi pumasok?
"Si Prim?" kinukumusta ako nito pero nagtanong lang din ako.
"Si Prim?" ani ng lalaki. Nagkatitigan pa si Dorcas at Mackenzie.
"Hindi ba sumama si Prim?" seryosong ani ni Mackenzie.
"N-o. Hindi siya sumama. Nasa restaurant ako no'ng nalaman ko sa news na narito ka. Malapit lang ang restaurant kaya dumaan na rin ako. Nabalitaan kong nakunan ka," ani
