Chapter Eighty-five
Binigo ako ni Colleen. Alam naman niya na hindi ko gustong nakaharap ang ama ko pero isinama pa rin niya. No'ng pinasundo ko ang mga ito ay hindi naman nasabi ng mga tauhan sa akin na kasama si papa. "Ate, nagpumilit siya. Sorry. Hindi ko talaga natanggihan. Hindi ko rin nasabi sa 'yo dahil sabi niya hindi na k-ailangan," humina pa ang boses ni Colleen.
"Ya," ani ko sa yaya ni Avery.
"Yes po, ma'am?" tanong ng yaya.
"Pakibalik si Avery sa sasakyan," utos ko rito.
"Avery, balik muna tayo sa sasakyan," ani ng yaya. Mabuti na lang at agad tumalima ang bata. Nang nakaalis ang mga ito ay cold na tinignan ko si Colleen.
"Ate, sorry---"
"Ikaw lang ang hinayaan kong mag-communicate ulit sa akin, Colleen. Pero ito ka't sinira mo agad ang ibinigay kong tiwala sa 'yo."
