REAGAN FAYE RODRIGUEZ.
NANLABO ang paningin ko nang dahil sa mga luha na namuo sa mga mata ko. Tinititigan ko pa rin ang text message na kalakip doon ang mga salitang isa sa mga kinatatakutan ko. Ramdam na ramdam ko ang panghihina ng aking katawan.
Kaka-out ko pa naman sa trabaho tapos ito pa ang bumungad sa ‘kin. Pumikit lang ako ng isang beses, isa-isang tumulo ang butil ng mga luha ko pababa sa kaliwa’t kanan kong mga pisngi. Nginig-nginig ang mga daliri ko habang pinipindot ang screen para matawagan si Harvey. Nangangatog ang aking mga kamay na hawak-hawak ‘tong cellphone ko.
‘The number you have dialed is out of service…’
Ang operator ang sumagot. Ngayon lang ako nakaramdam ng ganitong klaseng panghihina. Pakiramdam ko, sa ano mang minuto, babagsak ang katawan ko. “Ineng! Sakay
