WALANG dalang ekstrang damit si Jove kaya umuwi siya sa bahay niya kahit alanganing oras. Dahan-dahan ang pagpapatakbo niya sa sasakyan habang umiikot lamang ang isip niya tungkol kay Serron. Hindi na niya alam kung ano ang uunahin niya. Hindi na siya nakakapagsulat nang maayos sa kakaisip ng mga bagay na nagpapagulo sa isip niya.
Pagdating niya sa kanyang bahay ay naroon na ang pinsan niyang lalaki na si Jed. Anak ito ng ng bunsong kapatid ng Mama niya na nag-iisa. Nakapagtapos ito ng BS Criminology pero hindi pumasa sa board kaya nahulog sa pagiging security guard. Patay na rin pareho ang parents nito.
Pinapunta niya roon si Jed para may kasama siya. Natatakod kasi siya baka bigla siyang balikan ni Harvey. Kahit siguradong walang laban si Jed sa bampira, kinuha pa rin niya ito para lan
